Муслим Мурадымович Базарбаев Батыс Қазақстан облысының тумасы. Л. Н. Гумилев атындағы Еуразия ұлттық университетін саясаттану мамандығы бойынша оқу бітірге. Әлеуметтік ғылым магистрі.

Еңбек жолын 2017 жылы Жоғарғы Соттың баспасөз қызметінің қызметкері болып бастаған.

2018 жылдан 2023 жыл аралығында Ақпарат және қоғамдық даму министрлігі Ақпарат комитетінің Интернет кеңістіктегі және әлеуметтік желілердегі ақпараттық жұмыс басқармасының сарапшысы, бас сарапшысы, басшысы қызметін атқарды.

2023-2024 жылдары – Қазақстан Республикасы Мәдениет және ақпарат министрлігінің «Талдау және ақпарат орталығы» ШЖҚ РМК директорының орынбасары.

2024 жылғы 28 мамырдан бастап – ‘Qazcontent’ АҚ Басқарма төрағасының орынбасары. Ақпараттық агенттіктер, порталдар және мультимедиалық контент жасаумен байланысты сұрақтарға жетекшілік етеді.