Айгүл Мырзабайқызы Ахбутина 1967 жылы 1 сәуірде дүниеге келген. Кооперативтік институтын (Қарағанды қаласы) «Сауда экономикасы» мамандығы бойынша, Алматы гуманитарлық-экономикалық университетін «Есеп және аудит» мамандығы бойынша үздік бітірді. Академиялық дәрежесі: экономика ғылымдарының магистрі.

Мемлекеттік, орыс тілдерін еркін меңгерген.

«Қазақстан Республикасы аудиторы» біліктілігі, №МФ-0000082 куәлігі, CAP, CIPA, DipIFR, Қазақстан Республикасының кәсіби бухгалтері, Ресей Федерациясының кәсіби бухгалтері, салық кеңесшісі сертификаттары бар.

Еңбек жолын 1989 жылы Қарағанды облыстық кооперативтік сауда-саттығында экономист болып бастаған.

1991-1995 жылдар аралығында Қарағанды кооперативтік институтының «Қаржы және несие» кафедрасында ассистент болып жұмыс істеді.

1995 жылдан 2004 жыл аралығында Шығыс Қазақстан мемлекеттік университетінің «Қаржы және несие» кафедрасының аға оқытушысы болып қызмет атқарды.

2004-2021 жылдар аралығында әртүрлі ұйымдарда бас бухгалтер болып жұмыс істеді. Басшылық тәжірибесі мол. 2006 жылғы шілдеден 2022 жылғы шілдеге дейін «Управленческий консалтинг» ЖШС басқарды.