Category: Uncategorized

Қазақстан Республикасы Премьер-министрінің орынбасары Ермек Көшербаев “Qazcontent” медиакомпаниясына арнайы келіп, редакциялар ұжымымен мазмұнды кездесу өткізді, деп хабарлайды BAQ.KZ тілшісі.

Сонымен қатар, ол компанияның күнделікті жұмысымен танысты.

Вице-премьер журналистермен, редакторлармен пікір алмасып, жаңа жұмыс кеңістігін аралап көрді. Мұнда біріктірілген ньюсрум, мультимедиялық студиялар, дыбыс жазу студиясы мен баспасөз орталығы жұмыс істейді. Ермек Көшербаев мемлекеттік ақпараттық саясатты қазіргі заманға сай, қолжетімді форматта ұсынудың маңыздылығын атап өтті. Сондай-ақ, қарқынды өзгеріп жатқан цифрлық ортада жұмыс тәсілдерін үнемі жаңартып отыру қажеттігін еске салды.

Жылы әрі іскерлік атмосферада редакциялық жұмысты ұйымдастыру, ақпараттық күн тәртібіндегі жаңа трендтер, мемлекеттік медианың цифрлық платформаларын дамыту мәселелері талқыланды. Әсіресе, контент дайындау мен таратуда жасанды интеллект құралдарын қолдану мүмкіндіктеріне ерекше назар аударылды.

Үкімет басшысының орынбасары әлеуметтік-экономикалық блокты, білім беру, денсаулық сақтау және өңірлік даму салаларын объективті түрде жариялаудың маңызын атап көрсетті.

“Qazcontent” АҚ басқарма төрайымы Айна Задабек компанияның қызметі жөнінде баяндап, мемлекеттік ақпараттық саясатты қолдауға, ұлттық құндылықтарды ілгерілетуге, мәдени-ағартушылық және креативті контентті дамытуға бағытталған медиа жобаларға тоқталды.

Кездесу соңында Ермек Көшербаев “Qazcontent” ұжымының әлеуетіне жоғары баға беріп, алдағы кәсіби табыстар, тың идеялар мен жаңа жобаларды жүзеге асыруда шабыт тіледі.

Бүгінде “Qazcontent” құрамына бес іргелі ақпараттық және тақырыптық редакция кіреді: BAQ.KZ ақпарат агенттігі, жастарға арналған танымдық El.kz порталы, әдеби портал Adebiportal.kz, тарихи-ағартушылық бағыттағы E-history.kz порталы және ҚР Премьер-министрінің ресми ақпараттық ресурсы.

Қазақстандық медиакеңістікте ауқымды трансформация жүріп жатыр. Бұл өзгерістердің алдыңғы шебінде – Qazcontent акционерлік қоғамы, деп хабарлайды BAQ.KZ тілшісі.
Компания журналистиканың дәстүрлі шекарасын кеңейтіп, жаңаша форматтарды, заманауи технологияларды және жасанды интеллектті ұтымды үйлестіріп отыр.

Бүгін Qazcontent кеңсесіне еліміздің жетекші медиасеріктестері арнайы келіп, компания жұмысының жаңа форматын көзбен көріп, даму бағытымен танысты. Ұйым соңғы жылдары ақпарат саласында бірқатар ірі жобаларды сәтті іске асырды. Олардың қатарында – Baq.kz, El.kz, Adebiportal.kz, E-history.kz және Қазақстан Республикасының Премьер-Министрінің ресми сайты бар.

Бұл платформалар ел ішіндегі және халықаралық маңызды жаңалықтарды сараптай отырып, Мемлекет басшысы жүргізіп жатқан реформаларды қоғамға түсінікті әрі сапалы жеткізуге үлес қосып келеді.

Qazcontent – Қазақстанда жасанды интеллект технологияларын алғашқылардың бірі болып енгізген медиаұйым. Жаңалықтар дайындауда нейрожелілермен жұмыс істейтін шығармашылық топ күн сайын контент өндіру процесін жеңілдетіп, жылдамдатуға күш салып отыр.

Компанияның төл жобасы – ИИ-аватар қазірдің өзінде көрермендерге күн сайын басты жаңалықтар шолуын ұсынып келеді. Бұл – отандық ақпараттық нарық үшін тың әрі батыл қадам.

2025 жыл Qazcontent үшін жаңа серпін кезеңі болды. Компания елорданың ең беделді ауданында орналасқан кең, заманауи ғимаратқа көшіп, барлық редакцияны бір кеңістікке біріктірді. Шығармашылық еркіндікке жол ашатын open-space форматтағы кеңсе мен соңғы үлгідегі студия медиапродукцияның сапасын айтарлықтай арттырды.

Кәсіби команда тәулік бойы жұмыс істеп, аудиторияны маңызды ақпаратпен үздіксіз қамтамасыз етуде. Сапалы журналистика, терең сараптама, эксклюзивті пікірлер мен өзекті репортаждар – осының бәрі Qazcontent ұсынатын ақпараттық өнімнің негізі.

“Qazcontent” АҚ басқарма төрағасы Айна Задабек Қытай-Орталық Азия медиа ынтымақтастығына арналған форумда бірқатар бастама көтерді, деп хабарлайды BAQ.KZ тілшісі.

Бұл форум Қытай мен Орталық Азия елдері арасындағы медиа ынтымақтастықты дамыту үшін өте маңызды. Қазір ақпараттық технологиялар біздің әлемді өзгертіп жатыр. Сол себепті осы кезеңде медианың рөлі айрықша. Олар классикалық ақпараттандырудан жоғары тұрады, – деді медиакорпорация басшысы.

Qazcontent – мемлекеттік компания. Оның құрамында 5 ақпараттық ресурс бар. Олар: Baq.kz, El.kz, Adebiet portaly, e-history порталы және Премьер-министрдің ресми сайты (primeminister.kz). Бұл мемлекеттік бұқаралық ақпарат құралдары үш тілде (қазақ, орыс және ағылшын тілдері) жұмыс істейді.

Бүгінгі іс-шараның нәтижесінде біз өз тіл мүмкіндіктерімізді кеңейтеміз деген ойдамын. Былтыр біздің ресурстарымыз 270 млн-нан астам қаралым жинады. Ал ай сайынғы аудитория 2 млн-нан асады. Бұл қоғам мен серіктестердің жоғары сенімін көрсетеді. Біз цифрлық трансформацияға ерекше назар аударып отырмыз. Қазақстанда цифрлық бағыт қарқынды дамып жатыр. Біз де компаниямызда ЖИ-ді енгізудеміз. 2024 жылы ЖИ бойынша консультативті кеңес құрылды. Оқыту курстары, редакциялық және аналитикалық процестерді автоматтандыру бойынша жұмыстар жүргізілді, – деді Айна Задабек форумда сөйлеген сөзінде.

Сонымен қатар компания халықаралық ынтымақтастықты кеңейту бағытында да белсенді жұмыс істеп жатыр. Qazcontent басшысы компания бүгін форумға қатысу арқылы осы мәселеге қызығушылық танытатын білдіргісі келетінін атап өтті.

Айна Задабек компанияның платформаларына 2023-2024 жылдары Өзбекстан мен Қырғызстаннан оқырмандар көп кіргенін айтты. Мысалы, Өзбекстаннан кіргендер саны 225 мыңға дейін жеткен. Сонымен қатар Қытай, Қырғызстаннан да әдебиет порталы, el.kz, Baq.kz сияқты сайттарды оқып тұрады.

Бұл нәтижелер жай ғана аналитика емес, қазақстандық контенттің халықаралық аренада сұранысқа ие және бәсекеге қабілетті екенін растайды. Qazcontent осы ретте Қытай және Орталық Азия медиасымен ынтымақтастықты стратегиялық басымдық ретінде көреді, – дейді компания басшысы.

Задабек тарихқа және әдебиетке қатысты материалдарды қытай және басқа да тілдерге аударып жазуға болатынын айтты.

Жасанды интеллектке қатысты жобаларды ұсынғымыз келеді. Зияткерлік платформаларды, атап айтқанда, тарихи және білім беру бағыттары бойынша тәжірибе алмасуға, цифрлық өнімдерді бірлесіп әзірлеуге дайынбыз. Жуырда Qazcontent пен Синьхуа ынтымақтастық туралы меморандумға қол қойды. Бұл ақпарат алмасуға, бірлескен медиа жобаларды іске асыруға және кәсіби байланыстарды нығайтуға жаңа мүмкіндіктер ашатын тарихи қадам. Болашақта бірлескен жобалар болады деп үміттенемін. Қазіргі заманғы медиа тек уақытпен ғана емес, сонымен қатар бірлесіп жұмыс істей білу қажет. Qazcontent серіктестерге ашық. Бірлескен дамуға және тәжірибе алмасуға дайынбыз. Күш-жігерді біріктіріп, әркімнің үні естілетін тұрақты медиа құра алатынымызға сенімдімін, – деп ұсыныстарын жасады Айна Задабек.

Қытай-Орталық Азия ынтымақтастығын дамыту форумының және Үшінші халықаралық Жібек жолы байланыс конференциясын “Синьхуа” ақпарат агенттігі мен Қазақстан Республикасы Президентінің телерадиокешені бірлесіп ұйымдастырды.

Бұған дейін форум қатысушыларына Президент Қасым-Жомарт Тоқаев құттықтау хатын жолдаған болатын. 

Сондай-ақ Мәдениет және ақпарат вице-министрі Қанат Ысқақов медиа мен мәдениет – ұлттар арасындағы сенімді нығайтудың тетігі екенін айтты. 

“Qazcontent” пен “Turkistan Media Holding” медиа ынтымақтастық туралы меморандумға қол қойды, деп хабарлайды BAQ.KZ.

“Qazcontent” акционерлік қоғамы мен “Turkistan Media Holding” жауапкершілігі шектеулі серіктестігі медиа өндіріс және цифрлық коммуникациялар саласындағы әріптестікті дамыту мақсатында өзара ынтымақтастық туралы меморандумға қол қойды.

Құжатқа “Qazcontent” АҚ басқарма төрағасы Айна Задабек пен “Turkistan Media Holding” ЖШС бас директоры Жанахмет Ағыбаев қол қойды.

Меморандум аясында тараптар ақпараттық-танымдық бағдарламаларды, медиа-жобаларды бірлесіп әзірлеуге, кәсіби іс-шаралар өткізуге, тәжірибе мен медиаконтент алмасуға келісті.

Біздің басты міндетіміз – уақыт талабына жедел ден қою және аудиторияға қызықты, объективті және өзекті ақпаратты ұсыну. Меморандумға қол қою өңірлік БАҚ құрылымдарымен серіктестік орнату және елдің біртұтас ақпараттық кеңістігін нығайтудағы маңызды қадам, – деп атап өтті “Qazcontent” АҚ төрағасы Айна Задабек.

Өз кезегінде Жанахмет Ағыбаев Түркістан облысының мәдени, туристік және іскерлік іс-шаралардың маңызды орталығына айналғанын айта келе, меморандум цифрлық ортада ұзақ мерзімді және тиімді әріптестіктің негізіне айналатынына сенім білдірді.

Жаңа ынтымақтастық Qazcontent платформалары арқылы өңірлік жаңалықтар мен жобаларды кең аудиторияға таратуға мүмкіндік береді, – деп сендірді ол.

Жалпы, бұл келісім медиа индустрияның цифрлық трансформациясы жағдайында жоғары сапалы контент әзірлеп, халықпен тұрақты байланыс арналарын дамытуға бағытталған.

Қызметтің техникалық сипаттамасы.

Шарт жобасы

Мекен жайы: Астана қаласы, Мәңгілік ел, 30 даңғылы, «Qazcontent» АҚ кеңсесі

Телефон: +7 7172 64-95-60

E-mail: info@qcontent.kz

Өтінім қабылдау мерзімі: 2025 жылғы 12 маусым дейін

Өнім берушілерге қойылатын негізгі талаптар:

– құқықтық қабілеттілігінің болуы;

– тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы;

– банкроттық не тарату рәсіміне жатпауға тиіс;

– шарт бойынша міндеттемелерді орындау үшін жеткілікті материалдық (қажет болған жағдайда меншік құқығын растайтын құжаттарды, егер жалға алынған болса, жалдау шартын қоса беруге және жалға берушінің меншік құқығын растайтын құжаттарды қоса беру) және еңбек ресурстарының (қажет болған жағдайда еңбек шартын немесе өтеулі қызметтер көрсету шартын қоса беру) болуы міндетті;

– нарықта кемінде екі жыл тәжірибесін растайтын құжаттардың (шарттардың, актілердің) болуы;

– өнім берушінің өзіне қабылдаған міндеттемелерін орындамау немесе тиісінше орындамау фактілерінің болмауы;

– қызмет құнын негіздейтін сметаның, калькуляцияның болуы;

Ұсынылған құжаттарда заңнамада көзделген барлық қажетті қолдың қойылуы, күндер, мөртабандар мен мөрлер болуы тиіс, сондай-ақ тазартулары, түзетулері, қателері болмауы тиіс және дәйектілігіне күмән тудырмауы. Барлық құжаттар ұсынылған күні жарамды болуы тиіс.

Жобаның негізгі мақсаты – ұлттық тарихты электронды форматта кеңінен насихаттап келе жатқан Qazaqstan tarihy интернет-порталының аудиториясын кеңейту, оны тарих саласындағы орталық ХАБ-қа айналдыру. Сонымен қатар, жасанды интеллект жүйесіне Қазақстан тарихы, мәдениеті мен әдебиетіне қатысты қазақ тіліндегі ғылыми негізделген ақпараттарды шоғырландыру, ақпараттық және әдістемелік бағытта өзара ынтымақтастық орнату көзделіп отыр.

Кездесу барысында «Qazcontent» АҚ Басқарма төрағасы Айна Задабек Қазақстан Республикасы Ғылым және жоғары білім министрлігі Ғылым комитетінің «Мемлекет тарихы институты» РММ-ге бастама көтеріп, бірлесіп жұмыс істеуге дайын болғаны үшін алғыс білдірді. Ол Қоғам тарапынан ЖИ саласында атқарылып жатқан жұмыстар жөнінде айтып, тарихшы ғалымдардың мақалалары мен зерттеулерін портал бетінде жариялауға мүмкіндік туып отырғанын ерекше атап өтті.

Өз кезегінде Мемлекет тарихы институтының директоры, PhD Нұрбек Пұсырманов жасанды интеллекттің цифрлық дәуірде өткенді танудағы маңызды құрал екенін атап өтті. Сондай-ақ, 2025 жылғы 25 қаңтарда өткен «Қазақстан тарихының өзекті мәселелері: жаңа көзқарастар және ізденістер» атты ғылыми форумда заманауи технологияларды игерудің маңыздылығын көтергенін еске салды. Оның айтуынша, жаңа платформа арқылы кез келген қолданушы отандық тарихқа қатысты ғылыми негізделген жауап алуға мүмкіндік алады.

Жол картасы аясында мемлекеттік тілдегі тарихи мақалалар мен сұхбаттарды арттыру, сондай-ақ Мемлекет тарихы институтымен бірлесіп e-history.kz порталындағы ЖИ-мен өңделген тарихи-танымдық материалдар базасын толықтыру көзделіп отыр. Сонымен бірге, Тәуелсіз Қазақстан тарихына қатысты кітаптар портал базасында жинақталып, олардың мазмұны жасанды интеллектке бейімделетін болады. 

Айта кетер болсақ, «Qazaqstan tarihy» порталы ресми түрде 2013 жылы 25 қыркүйегінде құрылған. Портал «Qazcontent» АҚ-ның заманауи, цифрлы, гуманитарлық интернет-өнімі. Қазіргі интернет кеңістікте біздің елімізге, оның мәдениеті мен тарихына деген тұрақты қызығушылық қалыптасқан. Сондықтан портал шетелдік азаматтар мен қазақстандықтарға қазақ тарихын, мәдениеті мен дәстүрлерін, әдебиетін жан-жақты насихаттап келеді.  Сайт контенті қазақ, орыс, ағылшын тілдерінде ұсынылған.

Тапсырыс берушінің атауы және орналасқан жері: «Qazcontent» АҚ, Астана қ., Есіл ауданы, Мәңгілік Ел даңғылы, 30.

Қызметтің техникалық сипаттамасы.

Қызмет көрсету орны: Қашықтан.

Қызмет көрсету мерзімі: 2025 жылғы 1 маусымнан – 31 желтоқсанға дейін.

Шарт жобасы.

Әлеуетті жеткізушіге қойылатын талаптар:

• Құқықтық қабілеттілігі бар болу;
• Республикалық бюджет туралы заңда тиісті қаржы жылына белгіленген айлық есептік көрсеткіштің алты еселенген мөлшерінен асатын салықтық берешегінің болмауы;
• Банкроттық немесе тарату рәсіміне жатпау;
• Еңбек ресурстарына ие болу (міндеттемелерді орындау үшін жалдау шарттарын немесе ақылы қызмет көрсету шарттарын ұсыну);
• Құрылтайшылық құжаттарды ұсыну (Жарғының көшірмесі, тіркелген заңды тұлға, филиал немесе өкілдік туралы анықтама, банктік деректемелер, ҚҚС бойынша тіркелгені туралы куәлік (бар болса)).

Ұсынылған құжаттарда заңнамада көзделген барлық қажетті қолтаңбалар, күндер, мөрлер мен штамптар болуы, түзетулер мен қателіктерден тазартылуы, сондай-ақ олардың шынайылығына күмән тудырмауы тиіс. Барлық құжаттар оларды ұсыну күнінде жарамды болуы керек.

Бағалық ұсыныстың мазмұнына қойылатын талаптар: Баға ұсынысында тіркеу күні мен нөмірі, ұйымның қолы мен мөрі және қызмет көрсету үшін ұсынылатын сома болуы керек.

Сатып алуға қатысуға арналған өтінімдерді жасау және ұсыну тілдеріне қойылатын талаптар: Өтінім мемлекеттік және орыс тілдерінде ұсынылады.

Сатып алудың жеңімпазын анықтау критерийлері:

• Ең төменгі баға көрсетілген өтінім.

Әлеуетті жеткізуші сатып алуға қатысуға арналған өтінімдерді соңғы мерзімге дейін өзгертуге немесе қайтарып алуға құқылы.

Өтінімдер 2025 жылғы 22 мамыр, 18:00-ге дейін «Qazcontent» АҚ электрондық мекенжайына қабылданады. Өтінімге жоғарыда аталған талаптарға сәйкес барлық растайтын құжаттарды қоса беру қажет.

Өтінімдерді қарау мерзімі: 2025 жылғы 26 мамыр, 18:00-ге дейін.

Қызмет көрсетуге бөлінген сома: ҚҚС-сыз 10 360 000 теңгеден аспайды.

«Qazcontent» АҚ өтінімдер мен құжаттарды ұсынуға арналған электрондық мекенжай: info@qcontent.kz, анықтама үшін телефон: +7 7172 64-95-60.

«Qazcontent» АҚ  мультимедиалық жобалар жөніндегі

Көркемдік кеңесі отырысының

  № 6 ХАТТАМАСЫ

 

Хаттаманың шығарылған орны: Астана қ., Мәңгілік ел, 30

 

Өткізілген күні мен уақыты: 02.05.2025ж. сағат 11:00

Төрағасы: Ы.Қ.Сағымбеков

Хатшы: А.Б. Алпысбай

Қатысушылар:

Ы.Қ.Сағымбеков,

А.Хумарзак,

А.Д.Избаев,

Г.Ж.Билялова,

Ы.Ожай,

Г.Ж.Айтказина,

Р.М.Омаров.

Қатыспағандар:

Ж.М. Смайлов (ақысыз демалыста)

С.С. Тоқбай    (еңбек демалысында)

 

Көркемдік кеңестің отырысына кеңестің 7 мүшесі қатысып отыр. Көркемдік кеңестің отырысы бетпе-бет дауыс беру әдісімен жүзеге асырылатын болады. Көркемдік кеңестің отырысын өткізуге арналған кворум бар. Көркемдік кеңес шешім қабылдауға құқылы.

 

КҮН ТӘРТІБІ

1. Көркемдік кеңес отырысының хатшысын сайлау
2. kz ақпарат агенттігіне келген ұсыныстарды қарастыру және өнім берушіні таңдау.

ТЫҢДАЛДЫ

Бірінші сұрақ бойынша

Сөз сөйлегендер:

Көркемдік кеңес төрағасы Ы.Қ. Сағымбеков: – Бүгінгі көркемдік кеңес отырысының хатшысын сайлап алайық.

Ұсынылды:

Бүгінгі көркемдік кеңес отырысының хатшысы етіп El.kz АА үйлестірушісі А.Б. Алпысбайды сайлау.

Дауыс беру нәтижесі:

«Келісемін»  – 7

«Қарсымын»  – 0

«Қалыс қалды» – 0

Шешім қабылданды:

А.Б. Алпысбай көркемдік кеңес отырысының хатшысы етіп сайлансын!

Екінші сұрақ бойынша

Сөз сөйлегендер:

El.kz ақпарат агенттігі бас редакторының орынбасары Рүстем Омаров:

– «Qazcontent» акционерлік қоғамы 2025 жылы интернет желісінде мемлекеттік қолдау шаралары мен бастамаларын түсіндіруге арналған жоба жасау мақсатында әлеуетті сыртқы өнім берушілерден мультимедиалық контентке шығармашылық ұсыныстар қабылдайтынымыз туралы хабарландыруды Қоғамның сайтына жариялаған едік. Талап етілген жанр – арнайы репортаждар циклін жасауға үш әлеуетті жеткізушіден ұсыныстар

келіп түсті. Оларды Көркемдік кеңестің өткен отырысында қарадық және олқылықтарды түзету үшін әлеуетті жеткізушілерге 3 күн берілген еді.

Ұсынғандар:

1. Әлеуетті жеткізуші AiMedia жобалық атауы «Ауылым алтын бесігім» атты репортаждар циклін ұсынып отыр. Нарықта кемінде екі жыл тәжірибесін растайтын құжаттардың (шарттардың, актілердің)

ұсынылмауы; тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы туралы анықтаманың ұсынылмауы; шарт бойынша міндеттемелерді орындау үшін жеткілікті материалдық (қажет болған жағдайда меншік құқығын растайтын құжаттарды, егер жалға алынған болса, жалдау шартын қоса беруге және жалға берушінің меншік құқығын растайтын құжаттарды қоса беру) және еңбек ресурстарының (қажет болған жағдайда еңбек шартын немесе өтеулі қызметтер көрсету шартын қоса беру) бар екенін дәлелдейтін құжаттардың ұсынылмауы себепті өтініш қабылданбай, олқылықтарды жоюға үш күн берілген еді. 3 күн ішінде олқылықтар жойылған жоқ.

2. Әлеуетті жеткізуші ИП “Күн” Примбетова Гулжанат Оразалиевна” жобалық атауы «Біздің бренд» деп аталатын документалды арнайы

репортаждар циклін ұсынып отыр. Талап етілген құжаттар тізімін түгел ұсынған. Баға калькуляциясы да бар. Өтініші қабылданған.

3. Әлеуетті жеткізуші ЖК «Infinity» жобалық атауы «Арнайы репортаж» деп аталатын репортаждар циклін ұсынған. Нарықта кемінде екі жыл тәжірибесін растайтын құжаттардың (шарттардың, актілердің) ұсынылмауы; шарт бойынша міндеттемелерді орындау үшін жеткілікті материалдық (қажет болған жағдайда меншік құқығын растайтын құжаттарды, егер жалға алынған болса, жалдау шартын қоса беруге және жалға берушінің меншік құқығын растайтын құжаттарды қоса беру) және еңбек ресурстарының (қажет болған жағдайда еңбек шартын немесе өтеулі қызметтер көрсету шартын қоса беру) бар екенін көрсететін құжаттардың ұсынылмауы себепті өтініш қабылданбай, олқылықтарды жоюға үш күн берілген болатын. 3 күн ішінде олқылықтар жойылған жоқ.

Г.Билялова: Әлеуетті жеткізуші жобаны қай тілде түсіріледі және уақыты қанша болады?

Р.Омаров: Кемінде 20 минуттан аз емес және редакция таңдаған тілде түсіріледі.

Г.Билялова: Ілгерілету талаптары бар ма?

Р.Омаров: Талап бойынша әлеуметтік желі арқылы  инстаграм, телеграм, фейсбук, ютуб арқылы алға жылжытып отырады. Талап бойынша, 10 мың қаралым жинауы керек. Оларда бәрі ішіне кіреді, сомма өзгермейді. Айына 5 шығарылымнан кем емес шығарылады. Тақырыпты бізге ұсынады, басшылық бекітетін болады.

А. Хұмырзақ: Ілгерілету кезінде тапсырыс беруші тараптың әлеуметтік желі парақшаларымен колоббарация жасау керек шығар.

Ы.Сағымбеков: Барлығы заңға, ережеге сай келуі тиіс. Қай компания жеңсе де техникалық талаптарды сақтау жағын қадағалау керек.

Р.Омаров: Қоғам жариялаған талаптарға құжаттық негізде сай келуіне байланысты әлеуеттік жеткізушіні таңдасақ.

Ұсынылды:

1. Әлеуетті жеткізуші ИП “Күн” Примбетова Гулжанат Оразалиевна” өтінімін қарау және сыртқы өнім беруші ретінде таңдау.

Дауыс беру нәтижесі:

«Келісемін»  – 7

«Қарсымын»  – 0

«Қалыс қалды» – 0

Шешім қабылданды:

Әлеуетті жеткізуші ИП “Күн” Примбетова Гулжанат Оразалиевна”  сыртқы өнім беруші ретінде таңдалсын!

АТЫ-ЖӨНІ	«КЕЛІСЕМІН»	«ҚАРСЫМЫН»	«ҚАЛЫС ҚАЛДЫ»
Ы.Қ. Сағымбеков
Ж.М.Смайлов
С.С. Тоқбай
Г.Ж. Билялова
Е.Н. Айтказина
Ы. Ожай
А. Хумарзах
А.Д. Избаев
Р.М. Омаров

 

Көркемдік кеңес хатшысы: А.Алпысбай