Category: Uncategorized

Бұқаралық ақпарат құралдары қызметкерлері күніне орай Қазақстан шахмат федерациясы және «Qazcontent» АҚ  бірлесе отырып «QAZCONTENT OPEN 2026» шахмат турнирін ұйымдастырады.

Турнир 2026 жылдың 20 маусымында Астана қаласындағы Spaces коворкингінде (Самал шағын ауданы, 11) өтеді.

Қатысушыларды тіркеу сағат 09:00-де басталады.

QAZCONTENT OPEN 2026 турнирі швейцариялық жүйе бойынша 7 турдан тұратын блиц форматында өткізіледі. Жартылай финал – нокаут жүйесінде өтеді. Қатысуға теледидар, баспа, радио, интернет БАҚ қызметкерлері, сондай-ақ блогерлер мен инфлюенсерлер шақырылады.

Жеңімпаздарға дипломдар, бағалы сыйлықтар және жүлде қоры табысталады.

•  1-орын — 500 000 теңге
•  2-орын — 200 000 теңге
•  3-орын — 100 000 теңге

Барлық нәтиже халықаралық Chess-Results.com платформасында жарияланады.

Қатысу үшін келесі сілтеме арқылы тіркелу қажет:
https://arshat.kz/chess.html

Тіркеу 2026 жылғы 18 маусым күні сағат 18:00-де аяқталады.
Турнирге ФИДЕ блиц-рейтингі 2000-нан аспайтын, кәсіби шахматшы немесе жаттықтырушы болып табылмайтын тұлғалар ғана қатыса алады.

Құрметті БАҚ және медиа өкілдері, сіздерді турнирде асыға күтеміз!

Зияткерлік демалысты әріптестеріңізбен бірге өткізіңіз!

Әділ Сейфуллин 2017 жылы Л.Н. Гумилев атындағы ЕҰУ-ды «Журналистика» мамандығы бойынша бітірген. 2019 жылы әлеуметтік ғылымдар магистрі дәрежесін алды.

Еңбек жолын медиа және коммуникация саласында бастады. Президенттік жастар кадр резервінің мүшесі. 2026 жылғы ақпаннан бастап Қазақстан Республикасының мәдениет және ақпарат министрінің кеңесшісі қызметін атқарды. «Хабар» агенттігі Басқарма төрағасының кеңесшісі, сондай-ақ «ҚазАқпарат» халықаралық ақпараттық агенттігінде жобаларды дамыту департаментінің директорының орынбасары болып жұмыс істеді.

Кәсіби қызметі жолында журналистика, телевизия және цифрлық коммуникациялар саласында бірқатар табысты жобады жүзеге асырды.

Елордада өткен OQY BOOK FEST фестивалі қаланың әдеби өміріндегі ең жарқын мәдени шаралардың бірі ретінде өз мәресіне жетті. Биыл ұйымдастырушылар дәстүрлі кітап жәрмеңкесінен бөлек, интерактивті форматқа ерекше назар аударды. Соның арқасында кітап мәдениеті авторлар мен оқырмандар арасындағы ашық диалогқа, кітап алмасуға және цифрлық әдеби жобаларды таныстыруға ұласты.

Фестивальдің ең көп қызығушылық тудырған аймақтарының бірі- буккроссинг алаңы болды. Мұнда әрбір қонақ өзімен бірге әкелген кітабын басқа кітапқа тегін айырбастай алды. Ұйымдастырушылардың айтуынша, шара барысында жүздеген кітап оқырманнан оқырманға өтіп, ерекше «тірі кітап тізбегін» қалыптастырды.

Келушілер үшін маңызды жаңалықтардың бірі ADEBIPORTAL.KZ цифрлық платформасының таныстырылымы болды. Бұл онлайн кітапханада қазақ әдебиетінің мыңдаған электронды және аудиокітаптары жинақталған. Қонақтар шығармаларды оқып қана қоймай, қазақ тіліндегі аудионұсқаларды тыңдап, заманауи авторлардың сұхбаттары мен жеке парақшаларымен танысу мүмкіндігіне ие болды.

Фестиваль аясында Президент Қасым-Жомарт Тоқаевтың бастамасымен жүзеге асып жатқан «Ұлт оқитын 100 кітап» жобасына арналған арнайы бөлім де жұмыс істеді. Аталған тізім жалпыұлттық сауалнама негізінде іріктелген туындылардан құралған. Жобаның негізгі мақсаты — қоғамда кітап оқу мәдениетін дамыту және ұлттық әдеби мұраны кеңінен насихаттау.

Шараның түрлі алаңдарында фэнтези, ғылыми фантастика, заманауи проза және жасөспірімдер әдебиеті бағытында қалам тербеп жүрген авторлар оқырмандармен кездесті. Олардың қатарында Вилл Нокс, Дана Найдер, Артем Уразимбетов, Мая Сара және өзге де жазушылар болды. Қаламгерлер жаңа туындыларын таныстырып, шығармашылық жолдары туралы әңгімелеп, оқырмандар қойған сұрақтарға жауап берді.

Кездесу барысында оқушылар заманауи медиаиндустрияның ерекшеліктерімен танысып, журналистика, SMM, digital-контент жасау, мобилография және PR туралы пайдалы ақпарат алды. Медиадағы жасанды интеллекттің рөліне ерекше назар аударылды: мәтіндерді нейрожелі арқылы генерациялауға, суреттерді өңдеуге, аудиторияны талдауға және күнделікті тапсырмаларды автоматтандыруға қалай көмектесетіні түсіндірілді. Согынмен қатар, қатысушылар медиадағы жұмыс ерекшелігі, қазіргі трендтер және ЖИ технологияларын интеграциялау аясында саланың даму келешегі туралы мамандардан практикалық кеңестер естіді.

Мастер-класс интерактивті форматта өтті: оқушылар өздерін қызықтырған сұрақтарды қойып, контент жасау процесімен жақынырақ таныса алды.

Іс-шараның басты мақсаты – жастардың медиасауаттылығын арттыру, шығармашылық қабілеттерін дамыту және болашақ мамандардың кәсіби бағдарына көмектесу.

IV PR Room Creative Industries Forum медиа PR, кино, музыка индустриясы, digital және креативті бизнес өкілдерін креативті экономиканың инвестициялық әлеуеті мен өзекті трендтерін талқылау үшін бір алаңға жинады. Форум аясында қатысушылар стриминг платформаларының дамуы, YouTube пен TikTok-тың медиа нарыққа әсері, музыка индустриясының трансформациясы, заманауи PR құралдары және контентті монетизациялаудың жаңа мүмкіндіктері туралы пікір алмасты.

Іс-шара барысында креативті индустрияларды заманауи экономиканың негізгі драйверлерінің бірі ретінде дамыту мәселелеріне ерекше назар аударылды. Сарапшылар digital-контентке, музыкалық продакшнға, киноиндустрияға және жаңа медиаға инвесторлардың қызығушылығы артып келе жатқанын атап өтті.

Форумға «Qazcontent» креативті дирекциясының жетекшісі Нұрлан Нұрыш қатысты. Ол өз сөзінде креативті нарықты дамыту, сапалы визуалды әрі мағыналық контенттің маңызы туралы ой бөлісіп, цифрлық платформалар дәуірінде брендтер мен жобаларды ілгерілетудің жаңа тәсілдері жөнінде айтты.

Нұрлан Нұрыштың айтуынша, бүгінгі таңда креативті индустриялар мәдени ықпал етудің құралы ғана емес, сонымен қатар инвестиция тартуға, жаңа жұмыс орындарын ашуға және халықаралық ынтымақтастықты дамытуға қабілетті экономиканың толыққанды секторына айналып отыр.

«Qazcontent» ұжымының қызметкерлері Астана қаласында Қазақстан Республикасының Мәдениет және ақпарат министрлігіне қарасты бағынысты ұйымдар арасында өткен спартакиадаға белсенді қатысты.

Біздің қызметкерлер шахмат, волейбол, тоғызқұмалақ, үстел теннисі, баскетбол және қазақ күресі секілді жарыстарда бақ сынап, жоғары белсенділік танытты.

Атап айтқанда, El.kz порталы бас редакторының орынбасары Рүстем Омаров шахматтан ерлер арасында І орын иеленді. Сондай-ақ, Baq.kz тілшісі Гүлжан Раманқұлова да тамаша өнер көрсетті. Ал командалық есепте ұжымымыз ІІ орынға тұрақтады. Сонымен қатар, тоғызқұмалақ бойынша Креативті контент дирекциясының сценарист-редакторы Томирис Қазыбекова жүлделі ІІІ орынға ие болса, командалық есепте командамыз ІІ орынды қанжығасына байлады.

«Qazcontent» Maqsut Narikbayev University журналистика факультетінің студенттеріне «Ашық есік» экскурсиясын өткізді. Іс-шара барысында студенттер медиа-холдингтің жұмысымен танысып, заманауи цифрлық журналистиканың ерекшеліктері туралы ақпарат алды.

Экскурсия аясында қатысушылар редакция бөлімдерін аралап, контент әзірлеу процесін, жаңалықтарды жариялау тетіктерін және мультимедиалық платформалардың жұмысын көрді. Сонымен қатар, компания мамандары тәжірибелерімен бөлісіп, медиа саласындағы қазіргі трендтер мен кәсіби талаптар жөнінде әңгіме өрбітті.

Кездесу соңында студенттер өздерін қызықтырған сұрақтарын қойып, тәжірибеден өту және болашақтағы мансап мүмкіндіктері туралы мәлімет алды. Экскурсия болашақ журналистер үшін теориялық білімді тәжірибемен ұштастыруға мүмкіндік берген маңызды танымдық алаңға айналды.

 

Астанада халықаралық Business Technology Expo 2026 форумы өз жұмысын бастады. Форумның іскерлік бағдарламасы аясында қатысушылар бизнеске арналған жасанды интеллект, Data Science және Agentic AI, цифрлық трансформация, HR-tech, маркетинг және бизнес-процестерді автоматтандыру тақырыптарын талқылауда. Негізгі назар AI технологияларын басқару, қаржы, сату және операциялық қызметте қолдану, гибридті AI-архитектураларды дамыту, үлкен деректермен жұмыс, бұлтты жүйелер және маркетингтік жекелендіру мәселелеріне аударылған.

Айна Задабек өз баяндамасын қазіргі медиа кеңістіктегі ең өзекті мәселелердің бірі – фейк ақпараттың таралуы және ақпаратты тексерудегі жасанды интеллекттің рөліне арнады. Ол ақпараттың өте жылдам таралатын кезеңінде редакциялар үшін контенттің жеделдігімен қатар оның нақтылығы мен сенімділігі ерекше маңызға ие екенін атап өтті.

Оның айтуынша, бүгінде жасанды интеллект медиаиндустрия үшін маңызды құралға айналып отыр. «Qazcontent» компаниясында 2024 жылдан бастап контент жасау, фактчекинг, деректерді өңдеу және аудиториямен өзара байланыстың жаңа форматтарын дамыту бағытында AI-шешімдер енгізілуде.

Мысал ретінде E-History.kz порталы аталды. Онда жасанды интеллект технологияларын қолдану арқылы материалдар көлемін арттырып, шағын редакциялық құраммен ғана аудиторияның белсенділігін күшейтуге мүмкіндік берген.

Сондай-ақ, баяндама барысында фейк ақпаратпен күрес мәселесіне де ерекше назар аударылды. Басқарма төрағасы жасанды интеллект қарқынды дамып жатқан кезеңде ақпарат көздерін тексеру, деректердің шығу тегін талдау және олардың шынайылығын сыни тұрғыдан бағалау дағдылары аса маңызды болып қала беретінін атап өтті.

Мерекелік шара барысында әріптестеріне ізгі тілектер айтылып, сый-сияпаттар табысталды.

Қыз-келіншектер ер азаматтарға мықты денсаулық, отбасылық бақыт, ел тыныштығы мен қызметтеріне табыс тіледі.

Салтанатты жиын көтеріңкі көңіл-күйде өтіп, ұжым мүшелері бір-біріне құрмет пен сыйластықтарын білдірді.

Қазақстан Республикасының Конституциясы жобасын сапалы әзірлеуге, сондай-ақ оны қабылдау жөніндегі жалпыхалықтық референдумды ұйымдастыру мен өткізуге белсенді атсалысқан бірқатар БАҚ өкілдері Президенттің Алғыс хатымен марапатталды.

Осы ретте «Qazcontent» құрамындағы журналистер де жоғары марапатқа ие болды. Олардың қатарында Олжас Адай, Қаламқас Нысанбай, Марк Брюшко және Ербол Бекболат бар.