Month: September 2023

Мекен жайы: Астана қаласы, Қабанбай батыр даңғылы, 17, «Qazcontent» АҚ кеңсесі

 

Телефон: +7 7172 95-40-50

 

E-mail: info@qcontent.kz

 

Өтінім қабылдау мерзімі: 2023 жылғы 9 қазанға дейін

 

Өнім берушілерге қойылатын  негізгі талаптар:

– құқықтық қабілеттілігінің болуы;

– тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы;

– банкроттық не тарату рәсіміне жатпауға тиіс;

– шарт бойынша міндеттемелерді орындау үшін жеткілікті материалдық (қажет болған жағдайда меншік құқығын растайтын құжаттарды, егер жалға алынған болса, жалдау шартын қоса беруге және жалға берушінің меншік құқығын растайтын құжаттарды қоса беру) және еңбек ресурстарының (қажет болған жағдайда еңбек шартын немесе өтеулі қызметтер көрсету шартын қоса беру) болуы міндетті;

– нарықта кемінде екі жыл тәжірибесін растайтын құжаттардың (шарттардың, актілердің) болуы;

– өнім берушінің өзіне қабылдаған міндеттемелерін орындамау немесе тиісінше орындамау фактілерінің болмауы;

– қызмет құнын негіздейтін сметаның, калькуляцияның болуы;

Ұсынылған құжаттарда заңнамада көзделген барлық қажетті қолдың қойылуы, күндер, мөртабандар мен мөрлер болуы тиіс, сондай-ақ тазартулары, түзетулері, қателері болмауы тиіс және дәйектілігіне күмән тудырмауы. Барлық құжаттар ұсынылған күні жарамды болуы тиіс.

Жоба Жанр	Концепциясының қысқаша сипаттамасы, форматы	Тілі	Негізгі талаптар	Хроно (кемінде мин)	Жалпы шығарылым саны
RUH.KZ танымдық видео-шолу	«Ruh.kz» ақпараттық-танымдық порталы 25 бөлімді видео-шолу қабылдайды   Жоба мазмұнында: 1. Жобаның жалпы хронометражы 75 мин болу керек. Жобадағы әр шығарылымның хронометражы 3 минуттан кем емес. Барлығы 25 шығарылым. 2. 25 бөлім әртүрлі тұлғалардың еңбегін қамту керек; 3. Шолуды арнайы бекітілген жүргізуші жүргізеді немесе бейне және графикамен толықтырылады немесе оқиғалар актерлық ойын және режиссерлік шешім арқылы берілуі тиіс;	қазақша	Контентке (материалдарға) қойылатын негізгі талаптар: 1. Жобаны жүзеге асыру аясында сенімді ақпарат фактілер, тарихи құжаттар мен көне кітаптар негізінде жасалған материалдар болу керек. 2. Бағдарламаның тақырыбы мен кейіпкерлерінің тізімін тапсырыс берушіден бекітіп алу; 3. Контенттің (материалдардың) бірегейлігі; 4. Осы келісім шарт аясында жасалған контент (материалдар) бұған дейін басқа бір жерде жарияланған болмауы керек. 5. Сапалы дыбыс пен видео; 6. Әр шығарылымға әлеуметтік желілерде жариялау мен одан әрі ілгерілету үшін сипаттама жазу; 7. Видеороликтер HD форматындағы кем дегенде 2 видеокамерамен түсірілу керек. 8. Жарнама талаптары: – (Facebook, Telegram) 25 видеороликтен дайындалып жалпылама жасалған 1 анонсты (хабарландыру) кемінде 2 түрлі әлеуметтік желілерде орналастыру; – 25 видеороликтен дайындалған бір анонсты топтарда/жұртшылықта, аудиториясы кемінде әлеуметтік желілердегі аккаунттарда орналастыру: Facebook-кем дегенде 50 000 жазылушы; Telegram-кем дегенде 4000 жазылушы; – бұл ретте анонсты кемінде үш топқа ілгерілетілетін әлеуметтік желіге орналастыру;	Барлығы – 75 мин (Әр бөлімі 3 мин кем емес)	25 бөлім

 

«Qazaqstan tarihy» порталы – ұлттық тарихымыз туралы нақты және толық ақпарат беріп, тарих ғылымы саласындағы жетістіктерді насихаттап келе жатқан бағыты айқын бірегей жобалардың бірі. Qazcontent АҚ-ның заманауи, цифрлы, гуманитарлық интернет-өнімі.

2013 жылы 5 маусымда Қазақстан Республикасының ұлттық тарихын зерделеу жөніндегі ведомствоаралық жұмыс тобының кеңейтілген отырысында «Қазақ, орыс, ағылшын тілдерінде жүргізілетін арнайы оқу, анықтамалық «Қазақстан тарихы» веб-порталын іске қосу және және оны интернет-ресурстарда белсенді таралуын қамтамасыз ету» деген тапсырма жүктелген болатын. Сол жылдың 25 қыркүйегінде Мемлекеттік хатшының  хаттамалық тапсырмасын орындау мақсатында «Самұрық-Қазына» АҚ және ҚР Президенті жанындағы Орталық коммуникациялар қызметінің қолдауымен e-history.kz домендік атауымен «Qazaqstan tarihy» порталы құрылды.

«Qazaqstan tarihy» порталы – цифрлық тарихи материалдарды, түрлі өзекті мәселелер бойынша энциклопедиялық анықтамалықтарды ұсынушы және ұлттық тарих пен мәдениетті танымал ету бойынша негізгі ақпараттық арна.  Бүгінгі таңда портал республиканың үздік 40 жаңалықтар сайтының тізіміне тұрақты түрде кіріп отыр. Сайтты күн сайын Қазақстан мен ТМД елдерінен 30 мыңға жуық оқырман қарайды. Жоғары нәтижеге қол жеткізудің бірден бір себебі – сайт жаңалықтарының үш тілде (қазақ, орыс және ағылшын) жариялануында. Бұл – e-history.kz. сайтының еліміздегі басқа танымдық порталдарынан ерекшелігін көрсетеді.

«Qazaqstan tarihy» қазақ халқының ежелгі тарихынан бастау алып, қазіргі заманға дейінгі кезеңді қамтитын энциклопедиялық анықтамалықты ұсыну және ұлттық тарих пен мәдениетті танымал ету бойынша цифрлы ақпараттық арна құру миссиясын арқалаған болатын. Ол мақсатымызды орындадық деп ойлаймын. Портал ашылған жылдары ауызша тарих, өлкетану, шежіре, қазақ халқының мәдени мұрасы сынды бөлімдерді толықтырып жұмыс атқарды, – дейді Алтынбек Құмырзақұлы.

Бүгінгі таңда Қазақстан тарихы мен тарихи мәселелерді интернет әлемінде насихаттап отырған бірегей жобаға айналды. Бір сөзбен айтсақ, бір институттың жүгін арқалап отырған порталға айналды. Әрине бұл жұмыстарды жүргізуде портал ұжымы ғана емес, Қоғам тарапынан да, еліміздегі тарих ғылымын зерттеп жүрген институттар тарапынан да қолдау мүмкіндіктері ерекше болды.

10 жыл уақыт ішінде портал Қазақстан тарихы ғылымы бойынша электронды оқулықтардың жинақталған мол қорын қалыптастырды. Порталдың Е-кітапхана бөлімінде 1000-ға жуық оқулық пен оқу құралының, монографиялар тарихқа қызығушы қауымның пайдасына жарап тұр. Бұдан бөлек күнделікті жарияланымдар санатында 10000-нан астам материал жинақталған. «Қазақстан тарихы» 5 кезеңінің толық электронды базасы қалыптасты. Порталда контент «Қазақстан тарихы», «Тарих 5 минутта», «Оқушыларға», «Тарихи білім», «Киелі Қазақстан», «Тұлғалар», «Ұлы дала», «Арнайы жобалар», «Мультимедиа» санаттары бойынша ұсынылған.

Ұжым өзім жетекшілік еткен бес жыл бойында әр түрлі жобаларды іске асырды. «Әулет» 20 сериялы деректі фильмдер топтамасын, «Семей полигоны», «Ұлытау. Ұлық Ұлыс» деректі тарихи фильмдерін,  «Жүз ауыл», «Әскери тарих», «Алаш100», «Ұлы дала», «Қазақстанның бейнелі тарихы», «Тарих ағай», «Quiz» жобалары оқырмандарын қызықтыра алды. Биылдың өзінде оқырмандарымызға «Qeoқазық», «Көшелер тарихы», «QazaqTalk» мультимедиялық жобалары мен «Сұлтан Бейбарыс 800», «Күндерек» жобаларын қолға алып отыр, – дейді портал жетекшісі.

Айта кетейік, Е-history.kz ұлттық Award.kz интернет-сыйлығының «Бала тәрбиесі, білім және ғылым» аталымы бойынша білім берудің үздік ресурсы аталымының иегері. Портал қызметкерлерінің жұмысы бірнеше рет түрлі мемлекеттік органдар мен ұйымдардың мақтау қағаздарымен және алғыс хаттарымен марапатталды

«Үркер-2023» баспа, радио, интернет-журналистика саласындағы ұлттық сыйлықтың он екі номинациясы бойынша жеңімпаздардың есімдері белгілі болды. El.kz тілшісі Амангүл Тілей «Әлеуметтік тақырыптағы үздік материал» номинациясының жеңімпазы атанды, деп хабарлайды El.kz ақпарат агенттігі. 

Жыл сайынғы ұлттық «Үркер» сыйлығы қазақстандық журналистер қауымдастығы үшін басты сыйлықтардың бірі. Биыл байқау 12 номинация бойынша өткізілуде, оның ішінде медиа саласын дамытуға үлесін қосып жүрген медиа мамандары үшін үш жаңа номинация қосылды. Атап айтқанда, «Үздік халықаралық БАҚ», «Үздік подкаст», «Үздік YouTube каналы».

Байқауға баспа, радио, интернет-журналистика саласында қызмет етіп жүрген журналистерден барлығы 450 өтінім, солардың ішінде ең көбі «Әлеуметтік тақырыптағы үздік материал», «Жылдың үздік сұхбаты», «Үздік өңірлік БАҚ», «Жылдың үздік аналитикалық материалы» және «Жылдың үздік репортажы» номинациялары бойынша келіп түсті. Үздік жұмыстардың құрамын беделді журналистер, медиа менеджерлер бар қазылар алқасы анықтады.
Журналистика саласындағы «Үркер-2023» жыл сайынғы жүлдесін марапаттау рәсімі Астанадағы «Қазмедиа» орталығында өтті.
Амангүл Тілейге мүсін мен бір миллион теңге табыс етілді.